Festas

Orgòsolo, professone de s'Assunta

Sas festas traditzionalesSi creet e si narat chi sa Sardigna siat zona de sas prus cunservativas in Otzidente. Custu no est sena fundamentu, mescamente pro su chi pertenet sas festas.
Acuntessimentos istòricos ant cunsentidu chi s’òrdine cristianu de s’annu esseret intradu a lestru in Sardigna. Sende gasi, galu oe si podet castiare sa singularidade de sas festas sardas pro nde leare su timbru particulare chi tenent cunforma a cussas chi festant in sos continentes chi s’acherant in su mare Mediterràneu.

Bae a sa versione in italianu pro bìdere sas festas religiosas

Bae a sa versione in italianu pro bìdere sas festas traditzionales

Su calendàriu de sa vida e de s’annu Sas festas repicant, galu como in Sardigna, sa bida de sa pessone dae sa nàschida a sa morte. Difatis sos apretos individuales e familiares, cumpartzidos a cumone e in sotziedade pro mèdiu de sa festa, sunt referèntzias temporales de sa vida de sa pessone e de sa famìlia. Sas festas repicant fintzas sa bida de sa colletividade cun su tziclu de s'annu.

Sas festas religiosas traditzionales Sende chi sunt iberizadas a manera forte, tenent meda ammaju e anfania sas tzerimònias de su tziclu de sa Pasca. Sas tzerimònias de sa Chida santa, essende festas litùrgicas e paralitùrgicas, si distinghent pro sas rapresentatziones sagradas chi in paritzas tzitades e biddas sunt repicadas dae sos cantos de sas cunfrarias e dae sas professones.

Sas festas mannas In su tempus chi andat dae maju a cabudanni bi fiant sas festas mannas, ghi galu si faghent in Sardigna, connotas fintzas in aterue siat pro s'atentu chi ant retzidu dae istudiosos locales e istràngios, siat pro su protzessu forte de s'avantzada de istitutziones e turismu chi nde sunt intradas a fàghere parte dae una deghina de annos a como.

Sas festas de sa prima die de maju in Sardigna Sa prima die de maju si tzèlebrat in Casteddu sa festa intregada a Santu Efis, chi est unu de sos eventos religiosos e folclorìsticos, de sa Sardigna. Sa manifestatzione si repitet dae tres sèculos e mesu. Mentras in Lùvula in provìntzia de Nùgoro in su santuàriu dedicadu a Santu Frantziscu, si faghet una de sas festas de campagna prus caraterìsticas de s'ìsula.